Enviado: 21.09.2009 17:16
Despois da merenda (que sardiñas, que xurelos!), tocou voltar para a Arousa. Algunhas dornas viaxaron no bateeiro de Carterola. Outras voltamos remolcadas pola Forza R. Saimos coa caida da tarde.
Alberto e Parada guiaban a recua...
O sol pouco nos acompañou na viaxe.
Dando remolque á Noelia e á Mimela.
Baixando paus (e Larri achegándose para axudar na Jaivota).
A fotógrafa perdeu as gafas de ver nas augas de Porto Meloxo. Mentres Uxío agardaba pola seca da noite para recuperalas (e recuperounas!) as fotos ían saindo cada vez peor.
Viaxe no solpor visto desde a miopía. Sálvora agardaba ao fondo.
Sendo noite pecha chegamos ao Bao. Saíramos doce horas (e catro mensaxes) antes. Despois de fondear as dornas e recoller aparellos, aínda fomos até o concerto dos Komairas, antes de prepararnos para a saída a Sálvora.
A terceira idade tomándolle algo no Con do Moucho.
