Categoría: Rei do Mar

Inda que o Rei do Mar sae a navegar, quedan alguns traballos pendentes, traballos que teñen como obxectivo o cumprimento das medidas de seguridade esixidas a un barco destas características.

Este pasado xoves o galeón fixo unha viaxe dende o fondeo do Bao ata o Cantiño para que na rampla deste muelle se lle colocara unha bomba de auga, un dos requisitos que obriga a seguridade.

Alí estaban os traballadores do galeón, onte venres, dispostos para acomodar o dispositivo ó motor do barco.




Lino, dende a cuberta asesoraba ós que andaban no motor




Os tres artífices, Lino, Salva e Lino debatindo sobre o tema


As pezas necesarias para a bomba de auga foron meditadas, anotadas e mercadas nos Efectos Navais do Xufre.




Lino collendo apuntes


Esta medida de seguridade está destinada ó baldeo do barco, a achica-la auga da sentina ou dunha, esperemos que improbable, inundación no barco e para "picar" ( achicar ) a auga dalgunha embarcación que o precise



Esta peza é a que distribúe os distintos cometidos da bomba



Tamén protexëronse as correas do motor cunha malla para evitar accidentes cando haxa que manipulalo.




Para cercar ó ghaliñeiro





E esta é a mangueira do trinque que se vai instalar






Ás 20h do venres, este era o aspecto que tiña o motor: a malla cubre as correas e, na parte superior esquerda, a peza na que se vai axustar a bomba

Hoxe sábado ían continuar de mañá para remata-lo choio e así levar ó Rei de Mar para o Bao.