Enviado: 01.07.2012 17:38
Patri Calviño, tal como escribiu nunha mensaxe ó blog, tamén fixo fotos da Volta a Arousa. Eiquí están, xunto cos comentarios da propia autora.
Xa que son deseñadora de interiores amósovos a miña particular perspectiva da XXVIII Volta a Arousa, dende o bateeiro O Carallada, patroneado por Julián.
A bordo, uns cuantos proeles desentrenados disfrutamos da regata máis importante do mundo.
Toman a saída 38 dornas a vela branca e 1 dorna a vela…¿de qué cor?
Pasan os minutos entre risas, refrescos e vento fresco.
Cóntanos Julián a aventura e o medo que pasou nunha regata alá polos anos oitenta, que houbo de ser suspendida polo forte vento.
- ¿cómo vai ser suspendida unha regata por mor do vento? Será por falta deste! –dicían os regatistas-
- ¡O mar comíanos! –contaba Julián.
Só concluiron a regata 7 dornas.
Dende o Bao rumbo…norte?
Uns sedentos de protagonismo, outros de bebida enerxética
A aristocracia ourensá posando para o fotocol, allea aos problemas dalgúns podréns especializados…
Dicía que podréns especializados aproveitaron para practicar o mergullo a pulmón (Lino e Salva, para os amigos)
Dende o aire, o axente 007, controlaba a unha dorna comunista de mais.
Dornas cara ao Faro de Punta Cabalo
A Roxiña, sosiña, iniciando a maniobra do cambio
A Betty Bop sorteando as bateas
A bordo houbo tempo para ensaiar coreografías de benvida
Mentras as dornas maniobran para aproximarse á baliza,
a fotógrafa é pillada infraganti
Batendo tódolos récords e erguendo a man en sinal de victoria, os patróns da Nécora
A Zenaida traspasando a liña de meta…
…e os súbditos achegándonos ao Rei, que espectante, deu por rematada a XXVIII Volta a Arousa
