Categoría: brest 2012

O primeiro día amenceu chuviñoso e morriñento. Pouca vontade daba de facer nada.
Enviamos a Sendi e Eva á outra punta do mundo a pola Javiota, que non puido viaxar o día anterior por poñerse o mar bravo. E fomos agardalos.


Entrada triunfal da Javiota no Peirao dos 20 anos.

O noso pantalán foi trasladado de lugar ao completo porque no que temos asignado estaba programada a botadura do barco bretón do ano (unha pasada a frota de embarcacións recuperadas que ten esta xente): o fee de L'aulen


Dalí onde saen as grúas nos botaron a nós.


Unha chea de xente foi presenciar a botadura.

Na Bretaña aínda quedan moitos barcos pesqueiros en madeira e fasquías tradicionais, polo que son moitos os recuperados para lecer unha vez retirados do traballo.
Xa na primeira mañá, e apalancados no peirao, non dabamos feito para escoller a nosa embarcación preferida.


Eu gostei desta.

De súbito,de entre todos os veleiros e paus e mastros, xurdiu como do nada unha outra dorna, que veu veleando desde a nosa Fisterra.


A Xaimiña de Lajareu!

No peirán organizamos traballos de mantemento...


O patrón dándolle ao mate e o proel a trincar a verga.

Pola tarde tivemos que asistir ao acto oficial do Peirao dos 20 anos. Representantes de todos os países convidados subiron ao escenario a contar as súas impresións do evento. Nós mandamos a Pablo, que para algho aprendeu francés. E el quixo vestirse para a ocasión.


Traquilidade! A gaita deixouna no stand.

Por se non o dixemos, o día estaba chuviñoso e morriñento.


Os que ousaron sair a navegar

Na presentación oficial, a intervención máis exitosa foi a do representante dos nosos viciños de enfrente , os croatas (en Brest, como vedes, muda o mapamundi).


O rapsoda croata recitando en lingua franca.


Pablo falando raré.