Enviado: 03.08.2012 13:57
Adiantados uns dias á inauguración das Olimpíadas na outra banda da Canle da Mancha, celebramos en Brest un encontro amistoso entre as seleccións de navegación tradicional de Galiza (viva! viva!) e Croacia (buuuuhhhh!).
A negociación do partido correu a cargo das redeiras e Belén, que foron gañando a confianza dos contrincantes a base de fíos, redes e vasiños de viño.
Ángeles e Belén pactando as normas para o partido.
A verdade é que Galiza comezou na contra, pois todos os partidos foron xogados en campo contrario. A avantaxe desta cesión territorial veu pola parte da cociña: os traballos tamén foron para os da casa.
O porteiro da selección croata preparando a estratexia defensiva.
Como non somos nada chauvinistas, non temos problemas en admitir o resultado: victoria para Croacia por goleada.
Certo é que nós puxemos ricos mexillóns en escabeche, ao natural, con algas; sardinhas en aceite e rico queixo de cabra e ovella; certo é que o do viño foi un golazo pola escadra, porén... Croacia cociñou en vivo e en directo para todos nós e iso levou case todos os puntos en loita...
O campo de xogo era ben grande!
Atacantes croatas ofrecendo minestra tradicional. Gol!
Galegos facendo esforzos por parar os ataques de comida... non foron quen!
Iso si, os tantos de honra que evitaron que a delegación galega houbera de pasar por debaixo da mesa como prenda foron gañados, como non podía ser menos, grazas ao licor-café.
Brinde polo partidazo!
En deportes como este, pouco importa o tanteo final. O caso e facer festa!
