Categoría: regatas



O próximo sábado 22 de agosto, celebraráse unha nova edición da regata do Bao en Arousa. Agardámosvos!

Categoría: actividades

En Cabo de Cruz, os días 14 e 15, celebrouse a festa da exaltación do mexillón e, por primeira vez, a Mosta Etnográfica Mariñeira.
Como a cultura e a comida lévanse moi ben ( especialmente en Galicia), xunto a carpa de degustación do noso popular e respetadísimo bivalvo, atopábase a carpa dos stands da Federación Galega pola Cultura Marítima e Fluvial e do Museo do Mar de Vigo, a máis doutros. Fora, un feixe de embarcacións tradicionais completaban a Mostra.
Por suposto, alí estaban embarcacións da nosa escola como a dorna "Bandalla" e a buceta "Laraña", e outras que, inda que non son nosas, están ao noso cargo, como o "loro" de Cambados e o bote polveiro de Bueu.

Eiquí vedes algunhas fotos:


Montando a exposición exterior


A "Laraña" e o bote polveiro de Bueu coa vela da nosa escola, acomodándose na exposición.


Como podedes observar as embarcacións non chegan soas aos distintos portos onde son expostas. Gracias a Uxío,que por terra levou a remolque o bote polveiro e o loro de Cambados. Por mar chegou a dorna "Bandalla" , patroneada polo Ruso e a buceta Laranha que manexou Lino pequeno. Na exposición estiveron Salva pequeno*, Sergio, Lino pequeno*, Salvador, Uxío, ademais de membros da directiva da Federación como Braulio e Víctor.

* O de "pequeno* só ten carácter identificativo.

Categoría: escola

Fernando, o home da Fungona, colocou no blogue do lado, como di el, un deseño da súa autoría, que resume os nomes diferentes por el recollidos dalgunhas das partes da dorna.

Propón Fernando que fagamos entre todas e todos, unha recollida de toda esta riqueza léxica que tamén forma parte do patrimonio inmaterial. Nós apuntámonos a idea. Cantos máis sexamos a buscar e aportar información, mellor.

Categoría: escola

Nestes días hai moito ambiente no Bao. Levamos dúas semanas con case toda a nómina de patróns dando clase. Parece que a dorna está a poñerse de moda. Iso que a maioría descoñece este outro lado da aprendizaxe: á volta do mar chega o momento das cañitas.



Case hai tanta xente no Bao estas tardes como nuns Encontros.



A conversa acaba cando xa non hai máis resistencia às picadas (dos mosquitos).