Categoría: Rei do Mar

O emigrado retornou. O Rei do Mar, despois da súa invernada no peirao de Vilanova, sacou o saio e instalouse, coa primavera, no Cabodeiro.
Alí podedes gozar da súa vista. Tedes tempo, quen sabe cando haberá cartos para darlle outro tirón á obra...


O galeón no Cabodeiro.

Categoría: Rei do Mar

Pois si, o Rei do Mar abandonou a terra para submerxirse (literalmente) no mar. Fíxoo cunha puntualidade tan británica que chegamos tarde para lle facer as fotos do traslado.
Eis o está na rampla do peirao de Vilanova, en agarda de que inche a madeira para levalo ao seu mortiño do Bao.

Luce que é unha maravilla.


O Rei, e detrás, Sofía (imaxinádeo con pau).


Ao galeón entroulle auga nos adentros.


O Rei do Mar, en seco agardando pola tronada
(imaxinade un modelo máis moderno de pau).

Irá mañá para o morto? Só os patróns o saben!

Categoría: Rei do Mar

Que había aquí que xa non hai?


O oco deixado pola ausencia.

Categoría: Rei do Mar

Como algunhas persoas insinuaban aí abaixo que a negra é unha cor moi mortecina e aloitada, por facervos caso (e para que vexades que as suxerencias son tidas en conta) démoslle unha nota de alegría ao Rei do Mar.
Xabi Pena andou toda esta semana a pensar, deseñar. rotular e pintar o folio do galeón; e para iso tirou da pintura encarnada, moi chic ela.


O artista executando a súa obra.



O resultado final.


E ATENCIÓN!!

Para seguir fermoseando esta maravilla de embarcación, e outras que andan varadas por Vilanova e o Cabodeiro, quedamos mañá venres e o sábado as 16.30 (hora de Salva) para darlle patente aos barcos.
Quen poida vir, coma sempre, que avise ao excelentísimo director da ENT, para calcular número de rodos, brochas e luvas...