Categoría: actividades


Xa está, xa chegou...! Antes de que empecen a caer as primeiras follas, nasce o nº 12 da revista Dorna. A de papel estará xa nas túas mans a partir de mañán mércores, pero si eres de lonxe, si queres disfrutar das cores nas que está feita a orixinal, non tes máis que premer na pestaña do menú do noso blog.

Categoría: actividades

Por suposto, na noite das cacharelas, o Bao non había ser menos e organizou a súa, en competición cos outros barrios da Arousa.
Non queimamos unha dorna podre (a Marilús ao final segue a navegar), mais dou para saltar a fogueira e cear sardiñas (do xeito, nada de dinamita) e churrasco (do cortello, nada de granxa industrial).


O carril-bici xa ten utilidade: asentar cabaletes de papatorias.



Os meniños (grandes e pequenos) xogando con lume.

Categoría: actividades

E pola tarde saimos a navegar...

Levamos os barcos grandes e algunhas das dornas do Campo ao Cabodeiro, rodeando Barbafeita, o Faro, o Campelo e Punta Furado. Foi unha tarde de navegación divertida, pois aínda que comezou con calma podre, seguiu, dobrando o Con dos Tres Pés, cun ventiño que facilitou a toma de contacto coa navegación despois de todo o inverno.

A falta de fotografías da navegación, vai a visión do paseo na Peça de Rabo, por parte de Mariña, unha das súas tripulantes, podrén de 5 anos.


Observade que tanto Belén como Santi levan a gaita ao lombo...

Categoría: actividades

No Día das Letras non só botamos abaixo a Roxiña...

Despois da botadura, trasladámonos ao Multiusos da Arousa, onde conmemoramos o Día das Letras cunha festa:
- Actuou o grupo de Baile da ACD Dorna
- Fixo unha exhibición o Clube de Ximnásia Rítmica da Arousa, gañador neste ano do III Premio Castelao.
- Recitou, coa emoción dentro pola botadura previa, Anxo Angueira, poemas de Novoneyra, Rosalía e del mesmo.
- Foron entregados os premios de narracións das Letras.
- Houbo posto de venda de libro galego por parte da Libraría Castelao

...e houbo petiscos de empanada para fechar a mañá.

Día completo!!!


O grupo ACD Dorna abriu as actuacións con temas instrumentais.


Anxo non dubidou en saltar, bailar e ouvear para facernos chegar a maxia da poesía.


As saias ocupaban todo o escenario durante os bailes.


As ximnastas fixeron acrobacias apesar do pouco espazo escénico.