Categoría: escola

Chega por fin o acontecimento do ano.

Como sempre, precedida pola sorpresa e a improvisación, temos ante nós unha nova convocatoria de Superpachanga no Bao. Será o próximo Sábado, 4 de Setembro, às 16.00 horas (sincronizade relós).

Como este ano Larry anda en dique seco e non consigue xamóns polo mundo fóra, os premios consistirán na satisfacción de quedar primeiros e gañar ao resto. A menos que algunha alma caritativa traia pasteis, sardiñas, queixo, pan, empanada, froita fresca, tarta, churrasco, marmelo, bocadillos de nocilla... vamos, calquera cousiña para merendar entanto comentamos as xogadas...


Veña, a practicar o aparellamento de dornas!

Categoría: escola

A xente da ENT Dorna anda polo mundo adiante a facer amizades. E claro, às veces esas amizades aproveitan o verán para vir de visita e coñecer os locais da escola.
Na ENT Dorna sempre quedamos moi ben, porque somos simpáticos e agradábeis. E no Bao vese actividade e xente aprendendo e xente navegando. Non sabemos se quedan tan ben as institucións galegas (en xeral) polo cutre-luxe das nosas instalacións; mais por ter unha casa pobre non imos deixar de convidar aos amigos de lonxe.

E este xoves veu a delegación irlandesa, das terras de Cork, que coñecimos na Abelleira. Aloxáronse nun camping da zona e adicaron o día a navegar nos seus currachs. Ao Bao chegaron bogando desde o Cantiño.


Unha estraña embarcación achégase à costa.


Bogando entre dornas.


Competindo co currach na gameliña de Dorna.

EDITADO

Categoría: escola

Nunca foron boas as présas, e menos cando se trata da reparación dunha dorna como a nosa Irmandinha. Despois de tronzar o pao cando se dirixía a Vilaxoán o 17, rapidamente acadouse un pao en Boiro. Pero estaba moi seco e houbo que chimpalo ó mar este luns pasado, xa que ía abrindo cada vez máis. Todo isto para telo preparado para a xuntanza de galeóns de Vilanova, á que finalmente chegou co pao arbolado, inda que non navegou, por seguridade. Iso si, acompañou ó Rei do Mar ,con toda a súa dignidade, no peirao de Vilanova.


Eiquí tedes un video da saída que se fixo para a comprobación do ESTADO DO PAO


Preme na foto da "Irmandiña"

O vento que facía dificulta a escoita das conversas, pero si que se aprecia a bronca de Uxío por non levar chalecos

Categoría: escola

Como xa vos contamos neste blogue, na ENT Dorna decidimos que os xoves, wendi gurú mediante, sairíamos a navegar nas embarcacións grandes, sempre e cando xuntáramos tripulacións suficientes.

E así, onte, saímos na dorna Irmandinha, na lancha xeiteira Nova Marina e na dorna de tope Peça de Rabo. E aínda dou para que o bote polbeiro Rebelho nos acompañase un pouco.



A Irmandinha probou a vela nova, a vergha nova e a estampa de popa nova.



A Peça de Rabo probou a pintura nova.

Como había algo de vento, e era o primeiro día de saída, e andabamos a probar tantas cousas novas, collimos rises en todas as embarcacións, de un a catro según a valentía (ou temeridade) dos patróns.



A Peza de Rabo con tres rises cara a illa de Rúa.

A tarde deu para achergármonos á Pobra, voltar polo faro do Seixo e regresar ao Bao. Había quen quería chegar a Rúa, pero ao final non chegou.



Pasando na Nova Marina por Punta Cabalo.