Categoría: prensa

A Voz de Arousa de hoxe trae en primeira plana un artigo que fala sobre a delicada situación dos barcos como Hidria, Nauja ou Nieves, debido a que a administración recortou as axudas para estes barcos nun 90%. Podedes ler a noticia eiquí

Categoría: prensa

Buscade nas tabernas, nas perrucarías, nas librarías, no centro de saúde, na biblioteca, nas escolas... Buscade ben porque, por fin, un novo número da Revista Dorna anda nas rúas (é xa o número 11).
Nel encontraredes grande variedade de contidos e unha presenza especial da Escola de Navegación Tradicional, con artigos sobre os nomes das dornas, o galeón Rei do Mar e o Proxecto Relinga.

Buscade, buscade!...



...e, por suposto, lede!



ACTUALIZACIÓN: Xa está dispoñíbel en PDF. Picade na foto para aceder a el. Agora si que non hai escusa para ler.

Categoría: prensa

Na páxina de Vieiros.com de hoxe, podemos ler sobre a reunión fundacional da plataforma ProLingua.

Chama a atención que Paco Fernández Rei fai a comparación da nosa lingua cunha dorna, como símbolos do noso país.

Como sabedes Paco Fernández Rei, catedrático cambadés e membro da Real Academia Galega é membro directivo da FGCMF, e gran amigo da nosa Escola onde xa ten navegado en máis dunha ocasión.


A foto está na páxina de Vieiros e foi tirada por Roxelio
Xabier García Romero

Categoría: prensa


Hoxe sábado o periódico "El País" publica un artigo sobre Uxío, patrón da escola e presidente da ACD Dorna, no que fala sobre o mar, dornas e máis. A foto é de Xurxo Lobato.