Categoría: asociacións



Hoxe, na escola, viñéronnos visitar unha representación dos socios do proxecto europeo Woobta. Un proxecto que propón a asociación de distintos centros de carpintería de ribeira europeos e o intercambio de métodos e técnicas de ensinanza neste sector.







Estes socios son: O Centro de Formación A Aixola (Marín), xestionado polo CETMAR; Ateliers de l’Énfer (Francia); Falmouth Marine School (Reino Unido) e Skeppholmens Kolkhögscola (Suecia) . Con eles, tamén dous representantes da mutua dos pescadores de Lisboa.








Embarcaron no galeón “Rei do Mar” para dende alí observar a técnica mariñeira dos nosos patróns, Lino, Salva e Javi, e empaparse de cultura patrimonial galega.





Claro que o de empaparse é un dicir, pois o vento non fixo acto de presenza ata o último tramo da travesía, cando puxemos proa cara o amarre. Mais a airexiña que ía chegounos para facer un pequena ruta mariñeira.








Un dos obxectivos do proxecto Woobta é o intercambio de planos de embarcacións tradicionais para a construción de maquetas, polo que mostráronse interesados na tipoloxía das nosas dornas e así vémolos, nada máis chegar, agachados entre elas, levantando empanetados e aparellos varios.






A encalmada invitaba as conversas


Un deles, irlandés pero asociado a unha escola de carpintaría sueca, embarcou con Uxío nunha das nosas dornas para non perderse detalle da nosa embarcación máis representativa, pois tiña o proxecto de face-la maqueta dunha como actividade de fin de curso. Canda eles foi a intérprete de inglés.













O remate destes dous anos do proxecto Woobta terá lugar mañá no Museo do Pobo Galego en Santiago cunha xornada onde, amais de charlas, haberá unha exposición de maquetas de embarcacións tradicionais de Bretaña, Cornualles, Suecia e Galicia construídas polo alumnado do centro de formación A Aixola de Marín, dentro do devandito proxecto.










Posteriormente presentaranse os resultados do estudo “A formación en carpintería de ribeira en España (sic), Francia, Suecia e Reino Unido”.





Seica falar distintos idiomas impediu a construción dunha torre, disque en Babel.






Mais hoxe na escola, vimos de ver como cada un, cada unha, coa bagaxe da súa propia lingua e cultura, somos quen de construírmos proxectos comúns.

Malia que algúns se empeñen en construír barreiras.



O “Rei do Mar”

Categoría: asociacións

Dende a páxina da Federación temo-lo anuncio da festa mariñeira de Abelleira.





Mais para nós, este ano, non vai poder ser.
Temos outra festa para organizar: a do Mexillón. Pero non dun mexillón calquera, mais un mexillón de Arousa.
E é que dende a escola temos unha moi estreita relación co mundo da batea: navegamos entre elas sen petar (ou case), amarramos nelas cando é preciso e non dubidamos en utilizalas como boias de demarcación nas regatas.



O Mytilus galloprovincialis ou o edulis?

Así que dende eiquí desexamos moita sorte a festa de Abelleira, (lembramos o ben que o pasamos e que ben nos trataron nas outras edicións) e os emprazamos para que o domingo curen a resaca vindo por Arousa a degustar mellixóns cociñados por auténtic@s mariñeir@s.


Hoxe ás 20:30 reunión na escola de Pau para nos organizar.

Categoría: asociacións

O próximo sábado, 29 de xaneiro, convócase a tódol@s soci@s a unha asamblea xeral cos seguintes puntos do día:

-Convocatoria de eleccións

-Estado de contas

-Preguntas e dúbidas


Lugar: Escola de Pau

Hora: 1ª convocatoria, 18h ; 2ª convocatoria, 18:30h


Agardamos a vosa asistencia

Categoría: asociacións

Ese foi o epígafre das III Xornadas de Construcción Naval en Madeira organizadas por AGALCARI(Asociación Galega de Carpintería de Ribeira) que o pasado sábado celebráronse no Salón de Plenos do Concello de A Illa de Arousa.


Pablo Carreira do Museo do Mar foi o conductor das xornadas

Un grupo de expertos adicou a xornada a mostrar desde diversos puntos de vista a calidade da madeira para a construcción de todo tipo de embarcacións fronte a calquera outro material.
Entre @s ponentes destacamos a Íñigo Echenique, enxeñeiro naval, quen falou da versatilidade e economía no uso do taboleiro mariño e da importancia de acceder a novos mercados.

Do Centro de Innovación e Servizos Tecnolóxicos da Madeira, Azahara Soilán deu conta dos distintos tratamentos para incrementar a durabilidade e estabilidade da madeira.


Íñigo Echenique

Da Asociación Vasca ALBAOLA, Erme Pedroso Ferreira fixo un relato das experiencias da súa asociación, dos retos, oportunidades e das chaves que ao seu parecer son necesarias para potencia-las actividades de Patrimonio Marítimo.


Mª Luisa Lista, coordinadora do Proxecto Dorna, tamén participou nas xornadas


Ana Oróns, secretaria xeral de FEARMAGA, falou da madeira como material de futuro para o mar e Óscar Fuertes, do Colexio Oficial de Arquitectos de Galicia, da arquitectura dos estaleiros de ribeira en especial dos do norte de Galicia

Lino Lema, da Consellería do Mar, basou a súa exposición na carpintería de ribeira como cerna do Patrimonio Marítimo. Sinalou que tódolo relacionado co mar e coa carpintería de ribeira identifícase con Galicia e a importancia de tecer unha rede de traballo ao redor do Patrimonio Marítimo para poñelo a producir.



@s ponentes no salón de plenos do Concello


Según da conta o xornal Faro de Vigo nas súas páxinas locais, na inauguración das xornadas, a Directora Xeral de Comercio, Nava Castro, declarou que a Consellería de Economía e Industria destina 62.000 euros ao pulo da carpintería de ribeira mediante a financiación do asociacionismo do desenvolvemento do sector artesanal e o través duhna aportación para crear una marca de garantía para a construcción de embarcacións de madeira.



O presidente da asociación organizadora, Gerardo Triñanes

Gerardo Triñanes, Presidente de AGALCARI, fixo un relato de conclusións do alí tratado antes de proceder á entrega do I Premio Fasquía da devandita asociación que, como xa contamos nunha mensaxe anterior, foi para Manuel Mougán mestre carpinteiro de Arousa.

Tódolos ponentes resaltaron a Galicia como primeiro país de Europa en riqueza forestal, carpinterías de ribeira, Patrimonio Marítimo e en número de barcos feitos en madeira.
Que sexa por moitos anos.