Categoría: Vilaxoán

Às oficinas das ENT DORNA de Vilaxoán chegou MonnyPenny coas novas da semana. Reunida no Gabinete de Crise con Salva informounos da próxima conmemoración do Día Internacional da Conscienciación sobre o ruído, o próximo 25 de Abril, sempre.


Secretaria e Director analizando as propostas ruidistas.

E como en Dorna somos moi solidarias con todo e sempre nos implicamos en todas as cuestións reivindicativas, pois hala, démoslle ao caletre até dar coa maneira de "conscientizarnos" a fondo. Como? FACENDO BARULLO! E a iso adicamos a tarde do venres...


O primeiro, prender o xerador eléctrico...


Démoslle ao power doutros motores, mais non responderon.


A lixa barullaba na Mora, cada vez menos colorida.


Competía Claudio na outra punta da nave.


A aspiradora debía facer paradas técnicas, porén colaborou o que puido na xornada

Quen máis interese puxo na celebración do barullo foi Claudio: andou a probar ferramenta até dar coa máis alborotadora.


A caladora que non quere calar.

Aínda así, sempre hai persoas que se negan a facer parte de celebracións oficiais, e boicotean calquera actividade. En todas as partes cocen fabas!

Lino non sabía se axudar ou non e tanto lle daba ao taladro como à silenciosa serra...


Ese banco non o arrinca nen un temporal forza nove.


A serrar ferrinhos...

Ai, ai! Como sempre, o boicoteador número un, o que sempre vai contracorrente é o Santi, que como non trouxo a gaita, decidiu pasar a tarde en silencio total, TOTAL!


... e seguiu o sistema tradicional de lixado mudo.

Acabada a xornada, quen máis quen menos soubo aprezar o valor dum tempo de silencio... Que duro é traballar con barullo!!

Categoría: Vilaxoán


Dorna barata, senhora! Rápido, senhora, que mas levan das mans!! Venha que non duran!!

Pois si, ou espabilades e vindes por Vilaxoán, ou cada vez restan menos dornas para elixir...


AJaviota leva uns días agardando a que os novos amos acaben de rascala.


Non como Lino, que ten a súa dorna case lista...


David coidará este ano da Raposa, antes chamada Doa.


A Pintora encontrou persoas dispostas a querela e re-pintala.


e a Senra recuperou para a ENT Dorna un antigo alumno, perdido no espazo sideral durante este últimos veráns...


Así que xa sabedes, apurade que xa son poucas as dornas disponhíbeis para esta tempada... E maio aí o está!!

Categoría: Vilaxoán


PARA A PROA, proba PROA!!



O actor contratado ensaiando a gravación do anuncio.

Categoría: Vilaxoán

Meudeus, como avanza o mundo!!.

Na ENT DORNA pasamos do estilo tradicional-auténtico, baseado na discusión bizantina e o cadaquén que se safe, aos sistemas máis tecnoloxicamente modernos.

Até pasamos do cartapacio. Esta semana de paixón foi adicada a ultimar as probas dun novo sistema informático que estamos a implementar en colaboración directa coa Escola Obradoiro Aixola, de Marín, o Windguru de Hawaii, e a NASA, na Florida.

E onte chegou a primeira actuación do novo soporte. Através dunha tablet, unha vez que os seus sensores analisaron as capas de pintura da Peça de Rabo e a Xeiteira, Salva cruzaba os datos coas previsións climatolóxicas do wendi e, utilizando directamente o supercomputador da NASA para elaborar os modelos matemáticos, dicíalle a Javi que cantidade exacta de aceite tinha que misturar coa pintura, a velocidade de revolucións a darlle co paucinho e a porcentaxe de branco a engadir para dar coa tonalidade exacta.
Todo isto para que as embarcacións aguanten ben as marés e ventos do verán.


Salva comunicando con Cabo Canaveiras, perto de Miami.

O novo sistema non esquece os conhecementos de séculos de navegación tradicional e de traballo no mantemento de barcos. Dáse así unha clara interseccións entre modos antigos e modernos.


Pintado ao tradicional, é dicir, a ollo!

Nada como unha tablet para organizar a colocación dos empanetados. Despois de anos marcando as táboas pola parte interior, para saber do lugar de cada unha, desde esta tempada levan incorporado un chip con código de barras que nos indica exactamente, através do ghuasá, onde raios hai que ponhela.


O empanetado da Xeitera disposto segundo dicía o nokia 358 de Uxío.

E como sempre, traballamos seguindo as indicaicóns do programa informático.


Elena acelerando a velocidade de limpeza para pulir as impurezas das táboas.

Ao final da tempada saberemos se todas estas innovacións implicaron un aforro do pintura, un aumento da velocidade de navegación e unha mellora do punto de bolina das embarcacións, obxectivos que marcaba o Plan Estratéxico de Intersección Tecnolóxico-Tradicional, que, como todos os nosos proxectos, non subvenciona a Deputación de Pontevedra.