Categoría: Brest 08


Como xa estaba anunciado (dende hai dous meses ) tedes na páxina de Dorna as fotos de Brest, onde abundan aqueles eventos nos que estivemos máis implicados, ademáis de algunha visita a outros países que tamén foron convidados de honra.

Un acontecemento importantísimo no que Galicia foi un dos países convidados. e a escola de navegación tradicional de Dorna implicada en tódalas actividades.

O autor desta reportaxe fotográfica é o noso compañeiro da escola, Luis da Fonte.

Categoría: Brest 08



As xentes que foron a Brest aínda están varadas, descansando da dura tarefa de levar as dornas polo mundo fora, e prometen dar cumprida información sobre a viaxe nos próximos días.

Categoría: Brest 08



O pasado 15 de abril tivemos unha interesante visita. Un equipo de TV francesa achegouse á nave de Vilaxoán onde invernan os barcos e onde cada venres e sábado acudimos a facer os labores de mantemento.


Alí recolleron imaxes tanto das embarcacións tradicionais que alí se gardan como dos diversos coidados que requiren.



Ademais entrevistaron a Fernando Piñeiro, o presidente da Federación Galega pola Cultura Marítima e Fluvial, que lles explicou a realidade da navegación tradicional en Galicia.