Categoría: mantemento dornas

Este fin de semana continuou o labor en Vilaxoán e Vilanova. O venres o traballo foi na nave,mais o sábado, aproveitando a tarde estupenda que había, estivemos en Vilanova re-atendendo ao Rei do Mar. Mentres uns lle daban á raspeta, outros dábanlle ao minio e ao aceite.



Lino e Inhaqui rañando-lhe os picores ao rei.



Marro e Parada descansando da pintada.



Marro capitaneando o galeón directa ao Xacobeu...



Debaixo da barriga do barco, o relevo xeracional.

Categoría: mantemento dornas

O Sábado levamos dornas A Vilaxoán. Como o inverno aí o vén, aínda que non o pareza, quedamos para ir trasladando embarcacións á nave onde permanecen a cuberto dos temporais e as nevaradas.
Xuntámonos 20 persoas, polo que puidmeos levar 10 das dornas varadas no Bau.
Vento había pouco. A viaxe veríase reducida a unha tranquila empopada se no fora polo protagonista da xornada: o pau da Carmen, o pau máis pesado da escola, tan pesado que puido con Marro e tirou con ela no mar...



Arbolando as dornas para sair.



Para que Larri non gañase, levou a Lura, a dorna máis pesada.



O pau máis grande do mundo. Ou pau asasino.



Marro reposta do susto e cunha muda a man, menos mal.

Por causa do incidente do pau, as blogueiras voltamos sair de últimas e non temos crónica do traxecto alleo para contar.



A Carmen, coa Lura e a Betti Boop na proa.



Contrabando de cigarros: Delito?



Tradición e modernidade.


Por rescatar unha patroa enchoupadiña de auga, Larri chegou, sen que sirva de precedente, no último posto. Agora estamos a pensar en facer quendas ou rifar quen vai á auga en cada nova regata para que non gañe máis.



O sol iluminando ao campión galego de dorna.



En Vilaxoán uns acarretaban dornas...



...e na nave outros as arrumbaban.

Categoría: mantemento dornas

Hoxe e mañá quedamos para preparar a nave de Vilaxoán de cara ao inverno.
Na tarde de hoxe, a equipa formada por Salva, Lino, Larri, Brais, Calixto, Queca, Xabi Pena, Marro, Lois, Anxo, Inácio e Chica (falta alguén?) deulle tal limpeza a toda a nave, que até tivo tempo de acondicionar un espazo para colocar unha exposición permanente de embarcacións tradicionais.
Para mañá queda acabar a limpeza e levar, por mar, algunhas das dornas desde o Bao. Para iso quedamos ás 15.30 no local da Escola. E é bo que as que vaiades vir faledes con Salva para organizar a tarde.

Categoría: mantemento dornas

A cousa vaise animando e comezamos a tomarlle o pulso ao traballo de mantemento das dornas. Arranxados os problemas técnicos, hoxe poidemos iniciar a lavaxe das embarcacións e a limpeza da nave onde traballaremos até o mes de maio.


Parte das dornas hibernando en Vilaxoán.


Uxío mollándose no asunto da limpeza.

Dúas embarcacións precisarán dunha adicación especial por parte das persoas voluntarias:


O novo bote de Fisterra, ou canoa, ou buceta, como queirades dicirlle.


A dorniña de tope.

Ambas as dúas necesitan unha boa axuda antes de voltar ao mar.

Lembrade que estaremos en Vilaxoán as tardes de venres e sábados apartir das 17.00.