O pasado 15 de abril tivemos unha interesante visita. Un equipo de TV francesa achegouse á nave de Vilaxoán onde invernan os barcos e onde cada venres e sábado acudimos a facer os labores de mantemento.


Alí recolleron imaxes tanto das embarcacións tradicionais que alí se gardan como dos diversos coidados que requiren.



Ademais entrevistaron a Fernando Piñeiro, o presidente da Federación Galega pola Cultura Marítima e Fluvial, que lles explicou a realidade da navegación tradicional en Galicia.

O último fin de semana de febreiro comezaron os traballos de reparación das "feridas de guerra" das embarcacións. A que máis vai levar será a "Nova Marina", traballo que está realizando Juan Servando. Tamén foi necesario realizar a reconstrución dunha caverna na "Bandalla". Destes feitos tedes testemuñas nas imaxes. Ademais, inda que non aparezan en imaxes, levouse a cabo a limpeza dalgunhas velas, o limpado dunha dorna, o transporte da dorna nova,... E máis que seguiremos informando. O fin de semana alí estaremos, en Vilaxoán.

Categoría: encontros



Este sábado 15 de Marzo, a partires das nove da noite na Casa da Cultura do Grove, celebrarase o Serán no que actuarán o noso grupo de pandeireteiras, gaitas e percusión da ACDDORNA.