Categoría: regatas



Este sábado celebraremos a XX Regata do Bao (xa son vinte anos, como pasa o tempo…).

É a única regata que se inicia en terra e que inclúe o aparellado da dorna na beira da praia. Todo un espectáculo a gozar desde as catro da tarde. Animádevos.

Categoría: travesía 08

Vintesete de Xullo. Parece que o tempo volve a poñer mala cara. Hoxe toca a ruta dende Ons a Aldán.

Porto de Ons coas dornas fondeadas nos mortos do Checho.



A viaxe foi estropiada pola chuvia, que apareceu case cando saímos. Cos traxes de augas, pareciamos todos máis mariñeiros. Parecíamos.



A persoa máis reposta da festa foi Lima. Quería ser o primeiro en chegar a porto, na súa terra, Aldán, e foi todo o camiño a tope, planeando sobre as ondas coa súa gamela rula.

.

só que non puido impedir que a irmandiña lle pasase diante...



E todo isto a pesar de ter unha tripulación doente, non se sabe se pola resaca da maré ou se pola resaca do licor café.



Despois de bulinar, bulinar, bulinar e rebulinar conseguimos entrar na ría de Aldán.

No porto de Aldán celébrase a Virxe do Carme e tamén se fai un encontro de embarcacións tradicionais. Cando chegamos xa navegaban pola ría varias dornas, gamelas e o galeón de Combarro. A chuvia chegou pola tarde cando xa deramos conta dun bo xantar e dunha pequena foliada, amenizada na gaita polo señor José de Aldán e no tambor por Peixe. O cansanzo era moito e pronto subimos ata o pavillón onde pernoctamos outra húmida noite.


Peza de Rabo e Nova Sofía no porto de Aldán


Arribada da Vikinga a Aldán


A Irmandiña na ría de Aldán. Ó fondo, antiga conserveira.

Categoría: travesía 08

Hoxe, 26 de Xullo o día promete máis sol e calor que os que deixamos atrás. Levamos 3 días de navegación e moitos alumnos e alumnas xa levan a caña, cambian a vela e amarran os cabos como auténticos mariñeiros e mariñeiras.
¡ Coraxe! ¡Xa queda menos para patróns!

A ruta de hoxe foi do Grove cara Ons. O día xa comezou acidentado, pois a furgoneta que nos trasladaba do pavillón ao porto pinchou: avantaxe das dornas: non teñen rodas.



Preparamos os barcos e saímos do Grove un algo tarde:

Aparellando no Grove cara a Ons


Por fin o sol, e con el, a crema




EN RUTA CARA ONS
A dorna "Peza de Rabo"


As dornas "Irmandiña" e "Nova Maruxa"


A dorna "Irmandiña" en ruta cara Ons


Pouco a pouco, fomos chegando à boca da ría, con Sálvora presidindo a viaxe. Saíndo da ría, chegou o mar de fondo e os primeiros mareos dos podréns.


Navegando entre bateas



O NuevaSofía con Sálvora ao fondo



O Nueva Sofía cruzando entre cons para sair a mar aberto



A Rula voando cara Ons



A Peza de Rabo alcanzando a Irmandiña [porque nos deixamos]



De camiño cara a illa o grupo de dornas que ía diante librouse dunha encalmada que deixou moi atrás à lura e à nova maruxa. Optamos por fondear diante de Melide para agardar por elas e entrar todos xuntos en porto.

Fondeados frente a praia de Melide



Catro persoas valentes dándose un baño



Unha vez nos xuntamos todos, arrancamos cara o porto de Ons. Onza vese ao fondo. E competimos cunha regata de veleiros.



A mellor tripulación: a irmandiña!!




En Ons, acampada, cea e festa nocturna da que non hai imaxes. Pena!!

Categoría: travesía 08

Vintecinco de Xullo, día de Galicia no terceiro da travesía pola ría en embarcacións tradicionais.
O día ameaza chuvia ás 10:00 da mañá en Vilanova, onde os barcos están amarrados. Meu dito, meu feito. Unha chuvia miúda pero mollenta acompañou ao vento sur que nos levou ata O Grove, final desta singradura. Mollados pero contentos, a valente expedición amarrou as embarcacións e despois, uns en cuberta e outros a cuberto, deron conta da comida a bordo dos barcos, entre aparellos e velamen.
Máis tarde viría o aloxamento, o lecer e o descanso.


Aparellando os barcos en Vilanova para saír cara O Grove



Maniobras de atraque ao chegar a O Grove



Arribada do galeón ao porto de O Grove



Tempo de descanso: comida a bordo.



Tra-la cea, organizando a seguinte singradura.