Categoría: travesía 08

A travesía en embracacións tradicionais non é posíbel sen dúas componentes: os barcos e os seus patróns. Na segunda travesía participaron os que seguen:



A gamela Carmen III chegou de Vigo, por medio da Asociación Breadouro.



A buceta Laranha veu da man da ACD Dorna.



Jorge e Salva, patróns da Carmen a Laranha, contentos de reencontrarse.



A Irmandiña, a dorna máis grande, chegou do Grove através da Arousa, pois a ten en depósito a ACD Dorna.



Uxío foi o seu patrón, e esta foto é do único momento en que o pillamos serio.



A dorna Lura veu tamén da Illa de Arousa.



Parada conseguiu levala a porto contra vento e marea [e Salva gosta de sair en todas as fotos].



A Nova Maruxa, lucindo o emblema da ACD DORNA.



A Vikinga veu desde Ribeira, através da Asociación Lajareu.



Ignacio, patrón da Nova Maruxa, e Fernando, patrón da Vikinga, compartindo xantar na praia.



O galeón NovoSofía veu da man da Asociación Rabandeira, de Vilanova de Arousa.



Moitos patróns pasaron polo NovoSofía, pero os que máis tempo compartiron con nós foron Luis e o Señor José, aquí acompañados por Sendi, o Coordinador da travesía.



A dorna máis veloz: a Peza de Rabo, chegada tamén da Illa de Arousa.



Larry, o seu patrón, facendo banda para sacarlle distancia à Irmandiña.

Categoría: travesía 08

O mércores día 6 de Agosto deu comezo a segunda travesía en embarcacións tradicionais na que participa a ACD Dorna.
A primeira hora da mañá os patróns se desprazaron a Portonovo para trasladar os barcos, amarrados alí desde a anterior viaxe, até Bueu. Non fomos a Bueu en bou, pero fomos en dornas.



Trasladando as nosas mochilas na buceta Laranha à Irmandiña.



A Irmandiña camiño de Bueu por diante da Peza de Rabo.



Amarrando a Peza de Rabo, a Lura e a Laranha.

En Bueu agardaba por nós o grupo de participantes. No pavillón non os encontramos, e cando alguén falta, sempre é bo buscar nas tabernas.



O grupo, à sobra da parra, refrescando a gorxa.

Aproveitamos para facer alí a xuntanza inicial e a apresentación de todos os patróns e monitorado da actividade.



Sendi informando ao grupo das normas de funcionamento da actividade.

Despois de xantar, distribuiuse o grupo nas embarcacións e fomos dar o primeiro paseo pola ría para tomar contacto cos barcos e, sobre todo, cos patróns, máis difíciles de dominar.



Subindo às embarcacións no peirao de Bueu.



Velas arriba na Nova Maruxa e na Lura.

O paseo foi breve, pois às 19 horas tiñamos recepción oficial no Concello de Bueu por parte do seu alcalde. Desexounos unha boa travesía e ofreceunos toda a colaboración para que saíra ben.



Acomodándonos no Salón de Plenos do Concello.

Como final do día, despois da cea, fixemos uns xogos de apresentación para coñecernos un pouco mellor e saber, polo menos, os nosos nomes.



Explicando quen somos, de onde vimos e aonde vamos.