Categoría: mantemento dornas

Esta semana leváronse os barcos máis grandes a Tragove para facer os traballos de limpeza e mantenemento que lles corresponden.

Dende O Bao foron remolcados polo "Rei do Mar" e o xoves empezou o lavado por fora coa mangueira a presión. Antes houbo que sacarlles o empanetado, o chumbo e todo o aparellamento, este último transportouse a Vilaxoán.


Velaí os dous barcos, xeiteira e Peza de Rabo en Tragove xa arriba



A Peza de Rabo



Primeiro lavado



O chumbo xa descargado ( ai o lombo!... )



A Nova Marina tamén recibiu a súa ración de auga



A Nova Marina descansando en Tragove

Categoría: asociacións

Esta fin de semana, como xa temos anunciado, seguimos coa limpeza e baldeado con auga a presión das dornas. Así quedarán listas para o alquitrenado, os traballos de carpintería e o pintado que, en cada caso, precisen.


Un momento da limpeza das dornas.


Mais tamén recibimos dúas visitas.
O venres achegouse por alí o sr. Recuna, dono da nave onde gardamos as nosas embarcacións, e que tan xenerosamente nola ten cedida.
E o sábado, dous representantes da asociación escocesa GALGAEL, acompañados por Antón Pais da FGCMF, visitaron as instalacións para observar a tipoloxía e características dos nosos barcos.



Os escoceses mostráronse moi interesados pola tipoloxía das nosas embarcacións.




Nun momento da visita os representantes de GALGAEL chegaron a observar unha dorna arbolada.



GALGAEL é un ambicioso proxecto reivindicativo e de tipo social que, entre as súas moitas actividades, está a da carpintería de ribeira para a recuperación e memoria de embarcacións tradicionais escocesas.
A súa sede está en Govan (Glasgow) e a súa web podédela visitar ao través da nosa ligazón que atoparedes ao final da columna esquerda desta páxina.

Categoría: mantemento dornas

A cousa vaise animando e comezamos a tomarlle o pulso ao traballo de mantemento das dornas. Arranxados os problemas técnicos, hoxe poidemos iniciar a lavaxe das embarcacións e a limpeza da nave onde traballaremos até o mes de maio.


Parte das dornas hibernando en Vilaxoán.


Uxío mollándose no asunto da limpeza.

Dúas embarcacións precisarán dunha adicación especial por parte das persoas voluntarias:


O novo bote de Fisterra, ou canoa, ou buceta, como queirades dicirlle.


A dorniña de tope.

Ambas as dúas necesitan unha boa axuda antes de voltar ao mar.

Lembrade que estaremos en Vilaxoán as tardes de venres e sábados apartir das 17.00.

Categoría: mantemento dornas


Esta fin de semana comezou a actividade de mantenemento das embarcacións da escola. Nun primeiro contacto, os patróns decidiron a conveniencia de comezar polo lavado a presión das dornas. Tamén medíronse e clasificáronse para enviar ó ficheiro da federación.

Velaí unhas imaxes das dornas esperando a súa preparación para a nova tempada