Categoría: mantemento dornas

O sol empeza a quentar e iso quere dicir que estamos xa moi preto de navegar. As dornas deben estar xa case preparadas e este sábado a actividade foi importante na nave de Vilaxoán. Non tedes máis que ver nas imaxes como os tripulantes, os patróns e os futuros patróns traballaban para ter a punto as embarcacións.

Iogui na súa Caracola



Santi na vella dorna que trouxo recuperada do seu taller en Santiago



Hugo coa Bandalla



Calixto, Andrea e Queca traballando na Lura



Lino pequeno pintando a Laberca



Loli, Manolo e Xabier coa Carminha



Este é Parada facendo un tarabelo



Marcos e Sergio coa Noelia



Charla de patróns



Ó rematar o traballo acercámonos ata o varadero de Vilanova onde está a Irmandinha, esperando que durante esta semana estea lista para ir ó mar


Sergio (diante) e Salva coa Irmandinha protexéndose do frío

Categoría: mantemento dornas

Durante a semana santa tamén houbo actividade na nave de Vilaxoán. A tempada de navegación está aí e as dornas precisan de coidados para que estean nas millores condicións.
Unha das tarefas urxentes é a construción do pao da Peza de Rabo, da que da conta unha das fotos. Ademais tamén participaron algúns dos máis novos da Escola. A aprendizaxe non é só a navegación, as dornas non se coidan soas.

Juan Servando traballando no pao da Peza, axudado por Parada e Lino




Alex e Marcos lixando unha dorna




Lino fillo pintando a Laberca

Categoría: mantemento dornas

Despois de bastantes traballos ( lavado, pintado, alquitranado,... sacar os empanetados e o chumbo ) os barcos grandes da ENT xa están listos para as novas singraduras deste ano. No peirao de Tragove, durante a fin de semana, foron postos de novo no mar.


A Peza todavía no peirao rematando de colocar os empanetados



Os dous barcos crúzanse camiño do pantalán, a xeiteira viña de estar algúns días para inchar



A Nova Marina arriba para facerlle os últimos traballos



Volta ó mar,... só queda arbolar


A Irmandiña será levada mañá mércores, 8 de abril, a Vilanova para facerlle todos estes traballos. A partir das 16h.