Categoría: Películas


O pasado venres 19 de febreiro tivo lugar a estrea de Mar Libre a tvmovie totalmente galega e dirixida por Dani de la Torre, que supuxo para algúns patróns o seu bautismo de cine e para algunhas nosas embarcacións o comezo dunha fulgurante carreira cinematográfica. Os patróns saen ghuapos, pero as embarcacións están irresistibeis.




Proximamente será emitida na TVG, pero nós xa tiñamos un pequeno avance. Non tedes máis que ir ó álbum de fotos de Dorna e alí sae unha reportaxe sobre a viaxe de acompañamento ó equipo de Dorna á illa de Sálvora onde se rodaron moitas esceas.





A presentación foi exitosa: sobre mil persoas visionaron a película e antes da proxección falaron para o público o equipo artístico e o equipo de produción.

Que teña boa travesía...

Categoría: escola

As socias e socios e simpatizantes da ENT recibirán proximamente unha carta para lembrar o acordado na última asamblea.

Tamén lembrarvos que sigue vixente a figura de socio-protector e ante numerosas peticións tamén se vai facer constar a figura de socio-colaborador, que consiste nun donativo que non precisa ser devolto, ó contrario que o socio-protector.



Esta fin de semana, últimos días de entroido, é o límite do descanso na Escola. Acabouse a festa. Preparade botas e roupa vella e a traballar...

Categoría: embarcacións

Non é o mellor, pero de vez en cando ten que ser: as embarcacións grandes, e os seus patróns (caso máis difícil) abandonaron o mar e a Arousa para achegarse ao continente.
Tocaron terra no porto de Vilanova para pasar a rotineira limpeza de cada inverno e a reparación de todos os golpes e magulladuras do verán.



A Irmandinha submeteuse a unha limpeza de cute.



A estetisien Uxío lavando a face do barco.



Na estampa de popa, a forza dos temporais. Hai que reparar.



A Nova Marina agarda quenda no pantalán do Novo Sofía.



O Rei do Mar xa fixo amigas de dúas rodas.

Categoría: Rei do Mar



O Rei do Mar visto por Xaquín Fabeiro, da xente da Abelleira.

Aviso a tódolos/as que poidan acercarse mañá mércores 3 de febreiro polo Bao ás 17 h, que se vai levar o Rei do Mar ata o varadero de Vilanova e alí procederase á súa limpeza.