Categoría: embarcacións

Mentres uns traballabamos no Rei do Mar, Juan Servando e o seu axudante Santi avaliaban o alcance da avaría na Irmandinha. A madeira podre da estampa de popa fixo ben o seu traballo e apodreceu mais do que parecía ao comezo. Ten bo traballo...



Santi e Juan Servando traballando.



A madeira podre oteando o horizonte.

Categoría: mantemento dornas

Este fin de semana continuou o labor en Vilaxoán e Vilanova. O venres o traballo foi na nave,mais o sábado, aproveitando a tarde estupenda que había, estivemos en Vilanova re-atendendo ao Rei do Mar. Mentres uns lle daban á raspeta, outros dábanlle ao minio e ao aceite.



Lino e Inhaqui rañando-lhe os picores ao rei.



Marro e Parada descansando da pintada.



Marro capitaneando o galeón directa ao Xacobeu...



Debaixo da barriga do barco, o relevo xeracional.

Categoría: fotoló

En Arousa, como en todos os lugares, os vellos gostan de falar entre eles para contarse as historias e arranxar o mundo. Estes grupos xúntanse ó carón do mar e ó abrigo do vento que nese momento sopre: así hai un eitón na Abilleira, outro no Campo, no Cantiño...

O sábado, ó ir á Abilleira polo bote, descubrimos que o eitón desta praia quere ser un parladoiro e así estaba á saída da rampa:



E que si hai ganas, nin concello nin deputación. Ata serviu de acubillo para algún mariñeiro nestes días de temporais...

Categoría: embarcacións

Na procura de novas embarcacións a escola contactou co dono dun bote que se atopaba na praia de Abilleira.



O bote era grande e nós non eramos suficientes, así que quedou na praia á espera de que fora posible a subida ata a estrada e dalí ó remolque.



A embarcación é xeitosa, pero grande. Xa atoparemos o momento para o seu traslado.