Categoría: escola

---------------------------------------------------------------------------------------
O CARRIL-BICI e a ENT

Retomamos esta mensaxe (do 30 de maio), para informarvos que, na edición de Arousa do xornal Faro de Vigo de hoxe (2 de xuño), fanse eco desta noticia.
O enlace téndelo aquí.
-----------------------------------------------------------------------------------------




A nova tempada de navegación trae unha sorpresa:


Un carril-bici atravesa a praia da Canteira, pasando tan a rentes da casota da escola que vai dificultar considerablemente a entrada e saída dos aparellos que necesitamos para navegar.



Non entendemos este trazado e moito menos que non se nos consultara nin comunicara nada. As fotos son o suficientemente elocuentes... Era necesario?


Un carril-bici enriba da praia?

Categoría: fotoló

Sábado, 22 de Maio.

Coa Marilús a probar que vela lle sentaba ben no seu renovado corpiño de dorna miúda, podemos dicir que o Bao xa está listo para recibir a nova tempada.

Quen gañará este ano a Copa Galicia de Dornas?
A que encontros iremos de paseo?
Cantas persoas pasarán pola Escola para aprender a navegar?
Terá que ser adiada a Volta à Arousa por causa dos temporais?
Acabaremos os e as podréns algunha regata?

Todo o iremos sabendo desde este bló...

Comezamos!!


Patricia botando arriba o trapo da Marilús. Como unha raíña!

Categoría: fotoló

E pola tarde saimos a navegar...

Levamos os barcos grandes e algunhas das dornas do Campo ao Cabodeiro, rodeando Barbafeita, o Faro, o Campelo e Punta Furado. Foi unha tarde de navegación divertida, pois aínda que comezou con calma podre, seguiu, dobrando o Con dos Tres Pés, cun ventiño que facilitou a toma de contacto coa navegación despois de todo o inverno.

A falta de fotografías da navegación, vai a visión do paseo na Peça de Rabo, por parte de Mariña, unha das súas tripulantes, podrén de 5 anos.


Observade que tanto Belén como Santi levan a gaita ao lombo...

Categoría: actividades

No Día das Letras non só botamos abaixo a Roxiña...

Despois da botadura, trasladámonos ao Multiusos da Arousa, onde conmemoramos o Día das Letras cunha festa:
- Actuou o grupo de Baile da ACD Dorna
- Fixo unha exhibición o Clube de Ximnásia Rítmica da Arousa, gañador neste ano do III Premio Castelao.
- Recitou, coa emoción dentro pola botadura previa, Anxo Angueira, poemas de Novoneyra, Rosalía e del mesmo.
- Foron entregados os premios de narracións das Letras.
- Houbo posto de venda de libro galego por parte da Libraría Castelao

...e houbo petiscos de empanada para fechar a mañá.

Día completo!!!


O grupo ACD Dorna abriu as actuacións con temas instrumentais.


Anxo non dubidou en saltar, bailar e ouvear para facernos chegar a maxia da poesía.


As saias ocupaban todo o escenario durante os bailes.


As ximnastas fixeron acrobacias apesar do pouco espazo escénico.