Categoría: embarcacións

Como a Irmandinha xa tiña arranxo e xa podía voltar ao mar, houbo quedada venres e sábado, para darlle alquitrén (xa perdera todo o dado na primavera) e patente.
O venres xuntámonos dez persoas (para pintar!, que capacidade de convocatoria!!) e traballamos arreo: nove pintando e unha de mans-limpas para a intendencia (que capacidade de organización!!).


Varrendo a cuberta antes de alquitranar.


Queca, a equilibrista, ultimando a proa.


Dando patente coas táboas de recoller xa alquitranadas.


Últimos retoques para acabar o traballo.

E a Irmandinha quedou preparada para ir ao mar o mesmo venres.
Como o fixemos tan ben e mereciamos um premio, decidimos que a quedada do sábado ía ser para facer unha pachanga no Bao, como preparación de cara a Volta ao Mundo do próximo sábado día 3.

E nesta pachanga improvisada participamos 15 dornas, todas da ENT Dorna (que capacidade de encher reghatas!!)


Distribuindo tripulacións (e máis dornas que podiamos encher...)

Categoría: embarcacións

Lembrades a avaría da Irmandinha? Aquela estampa de popa que apodrecera? Aquela que semellaba ter difícil arranxo?


Esta avaría?

Pois a dorna xa está para outra!! Xa podedes dar os parabéns ao carpinteiro que fixo a reparación:


Fina estampa, si señor!

Categoría: regatas


O cartaz desta edición é obra de Patri Calviño

O próximo sábado 3 de xullo terá lugar lugar unha nova edición da Volta a Arousa ( ...e xa van vinte e seis) Alí estaremos no Bao a partir das 16.30. Boa regata!

Categoría: actividades

Por suposto, na noite das cacharelas, o Bao non había ser menos e organizou a súa, en competición cos outros barrios da Arousa.
Non queimamos unha dorna podre (a Marilús ao final segue a navegar), mais dou para saltar a fogueira e cear sardiñas (do xeito, nada de dinamita) e churrasco (do cortello, nada de granxa industrial).


O carril-bici xa ten utilidade: asentar cabaletes de papatorias.



Os meniños (grandes e pequenos) xogando con lume.