Categoría: encontros

En Millport está a transcorrer o evento Sail and Oar, que organizan a un tempo Galgael e o Proxecto Dorna.
Hai tres actividades paralelas: por unha banda unha delegación do Proxecto Dorna anda a visitar carpintarías de ribeira e estaleiros por toda a costa escocesa; por outra parte, estamos embarcacións de Escocia, Irlanda, Gales, Euscadi e Galiza facendo saídas de navegación pola costa da Illa de Cumbrae; e ademais, no centro da vila, hai unha exposición que mostra o traballo de todas as nacións participantes.



O ferreiro mostrando o seu traballo.



Maqueta de embarcación viquinga.



Xa o coñecemos: é o currach.



Barco escocés e, ao fondo, esquelete de traíña basca.



Sección de fiado e tecido da Galgael.



Redes, nets

E para o final, o grande éxito, o hit parade, da exposición. Ideada e realizada no obradoiro de Aixola, en Marín:



Inflando a piscina...



... e navegando nela con mini-gamelas.

Categoría: encontros

Despois de descargar os barcos, o primeiro problema: o xantar agardaba por nós en Cumbrae Island e nós estabamos en Largs. Aceptamos xantar uns sandwiches para así poder levar os barcos navegando, en vez de ser remolcados por unha zodiac.


A buceta, a máis traballosa de aparellar.



Mini-xantar abordo.

A travesía non era moi longa, mais viaxabamos un mar descoñecido, do que poden emerxer tronadas, tempestades e monstros en calquera momento. Somos moi valentes!



A Illa de Cumbrae e a costa escocesa. Podedes imaxinar a rota

E agora, ATENCIÓN!, a morrer de envexa. Porque depois dos traballos chegou o mellor premio. Que fermoso é aquí o mar e que pasada poder navegalo con bo tempo.



Outras illas da Escocia que non visitaremos desta vez.



Ao fondo, a vila de Millport, na illa de Cumbrae, sé do encontro.



Millport, a Javiota e a Nova Maruxa.



A Mar de Muros entrando en porto.



A Javiota, levada por Bea e Xocas, gozando das vistas.

Cumbrae é unha illa coidada, tranquila, chea de verde e sen casas que pasen dos dous ou tres andares. Ten un porto pequeniño, co peirán de pau. Ten una estrada principal que rodea a illa e fai de rúa grande da vila, separada da praia por floridísimos xardíns. Tamén é certo que o tempo soleado que estamos a ter non é habitual, mais a estampa xeral é impresionante.

Despois de lucir as velas galegas en largos da praia ao porto, do porto á praia, fondeamos os barcos, localizamos a nosa equipaxe (que chegou no ferry) e fomos levados ao que é o noso aloxamento.



Diante das casas de madeira do Watersports National Centre.

Categoría: encontros

Amenceu o venres e naceu a segunda grande dúbida. Despois da exitosa chegada das equipaxes (todas!), terían chegado as embracacións?

Así que alá fomos, conducidos por Fionna, que fala máis que Bea, só que en inglés, até a vila de Largs, onde estaba o punto de descarga.



Unha embarcación con pouca flotabilidade recibiunos en Largs.

Ao pouco de chegar nós, apareceu o tráiler coas embarcacións galegas. Agardamos a que o grueiro acabase o te (en serio) e comezamos a traballar.



A primeira, a dorna Javiota (Marro, está en bo estado!).



Despois, a gamela Lui, que Bea baldeou con amor.



A seguinte, a dorna de tope Nova Maruxa, na grúa chegada directamente do Grove.



Quedou para o final a máis grande, a buceta Mar de Muros.

Despois dunha mañá de tanto traballo e tanto ir de aqui para alá, ben merecíamos un premio.



Primeiras cervexas escocesas.

Categoría: encontros

O sábado día 12 de Agosto, un grupo de intrépidos navegantes da ACD Dorna, partimos de Compostela coa intención de cruzar media Europa para chegar a Glasgow. A idea é participar no evento Sail and Oar que organiza, entre outros, a asociación Galgael, que nos ten visitado a nós no pasado.
Os membros de Dorna imos en representación da FGCMF. Que responsabilidade!!



A intrépida expedición con cara de sono en Lavacolla.

A primeira grande dúbida era se as equipaxes chegarían con nós. Quen confiaba en Iberia, facturou. Quen non tiña fe, levou unha muda e equipaxe de man.



O presidente paseando a súa maletiña por Heathrow adiante.

Despois de navegar todos os ceos de Europa (Santiago-Madrid, Madrid Londón, Londón-Glasgow) e ensinar até os dentes nunha ducia de controis, chegamos ao destino.



No Aeroporto de Glasgow encontrámonos coa expedición basca, procedente de Pasaia.



Outra proba de que as dornas chegan alá onde nós imos.

En Glasgow, despois de aloxarnos no hotel, desprazámonos ao barrio de Govan, onde está o local de Galgael , unha fermosísima e enorme carpintaría de ribeira.



Entrando no local de Galagel.

Alí fomos recibidos cunha festa por parte dos nosos anfitrións. Como fomos os últimos en chegar, só cheiramos o corzo das Highlands que tiñan asado para nós.



De petiscos e conversa.




Cantos escoceses con vestimenta traditional-punk.

E por fin, despois de catorce horas de viaxe... fomos durmir!!