Enviado: 20.10.2010 21:24
O cuarto obradoiro era para persoas con experiencia. Por esta razón, o número de inscritos foi menor, aínda que a actividade fose quizás, a que máis expectación levantaba.
O verán pasado, nas nosas expedicións cinematográficas por Caldebarcos, fixémonos co racú Emilio Castelar (para nós racusiño). A embarcación veu para Vilaxoán para ser recuperada aos poucos, nos tempo libres.
Pero resulta que José Piñeiro andou medio inverno e todo este verán traballando no motor: desmontándoo, limpándoo, comprobando pezas, buscando e mudando as que non funcionaban...
E este venres, no Obradoiro de Mecánica Naval tocaba a proba final: ver se o motor, de máis de corenta anos e quen-sabe-cantos sen andar, voltaba a funcionar.
O protagonista, brillante e orgulloso.
Por suposto, os participantes, dirixidos polo monitor Piñeiro sénior, non cometeron erros de principiante, tipo antes de chamar ao técnico, proben a enchufar a máquina.
Dándolle de beber ao motoriño: gasolina grande reserva.
Larry, dirixido nos traballos polo perito en motores.
As diferentes probas realizadas foron un éxito. Gravamos un vídeo demostrativo, mais non sabemos que foi del.
Se vos fixades, o tubo do capacho bota auga.
O médico alimentando o doente por vía intravenosa.
Todo ese fume que estraga a foto é dun motor des-estragado.
Os artistas mecánicos, en plena acción.
Resultado Final? Pois parece que o racú vai ter un motor que funciona, polo que, se o preparamos neste inverno, apra o ano poderá cumprir con esa función desexada: a de ser embarcación de apoio na escola.
