Categoría: actividades

No salón de actos de Exposalnés de Cambados celebrouse este venres unha xornada sobre embarcacións tradicionais e a súa situación legal.Esta xornada foi organizada pola Consellería de Pesca dentro do proxecto NEA2.
Non houbo grandes solucións para o que se ven reclamando dende hai unha chea de anos (principalmente un tratamento distinto ás embarcacións de recreo ou lecer non tradicionais, así como menos atrancos dende a administración dado o carácter patrimonial destas embarcacións ), pero houbo actitude de escoita ós problemas que presentaron as distintas asociacións que alí asistiron.

Na páxina da FGCMF tedes cumprida información sobre o tratado.

A nosa asociación estivo representada por tres persoas.

Temos unhas imaxes da xornada, cedidas por Lino Prieto.


Público asistente, moitas caras coñecidas, na primeira fila o presidente da
FGCMF Víctor Fernández, acompañado por Elvira Mata, directora do Museo
Maritim de Barcelona (onde por certo hai en exposición unha dorna e un
bote polbeiro)


De esquerda a dereita,Paul Robert, director do Atelier de l´Enfer en Douarnenez, Francisco Alonso, representante da DGMM, María Diz,
secretaria xeral do Patrimonio Cultural da Xunta e Pablo Carrera, director do
Museo do Mar

Categoría: actividades paralelas

Volo temos dito.
Tradición e modernidade navegan xuntas nas nosas dornas arousás.

Nas dornas, nas bucetas, galeóns, nas lanchas xeiteiras, botes, nas gamelas, …

Unha polo mar e outra pola güé, claro.
E se non, ollade a proa desta páxina, na pestana “Elementos Das Embarcacións Tradicionais” . Alí atoparedes un xogo interactivo para que os días de nortada, surada ou lestada, sen esquecer os noroestes que por equí pegan que nindiós ( é dicer, os días de inverno), podades lembrar o vocabulario mariñeiro e levalo ben aprendido para as travesías de verán:

“Que colla-la caña, podrén, a caaaña …, non a miña cervexa!”



Elixir una das embarcacións e premer nela. Cando a acabedes
de completar, e para pasar a outra, tedes que escribir na clave,
“comprobado” e premer no gromo.



A actividade foi elaborada polos nosos técnicos en “ pedagoxía informatizada das embarcacións tradicionais”, José Manuel e Marro.

Polo de agora, pódese ir practicando coa dorna, a xeiteira e a gamela curuxeira. Despois irase ampliando a tódalas embarcacións que se recollen na ilustración.

Categoría: Rei do Mar

O sábado, no Bao, tres patróns ben pertrechados foron preparar o acomodo para o motor do Rei do Mar. O traballo tiña o seu, xa que amais de estar agachados, houberon de enfurruxarse coa cantidade de óxido que saía dos ferros. Unha vez que estiveron ben lixados, pintáronse para non volver coller humidades. Vede o relato fotográfico do alí acontecido.

As fotos fíxoas Braulio, o da Nécora, que pasou por alí de visita e acabou de reporteiro gráfico.



Alegría que non falte: Lino máis moreno si cabe



Juan, sorprendido no medio da ferruxe



Os tres laboriosos choiando



Salva sae a respirar



Isto chámase a sala de máquinas, obvio



Isto, o rancho de proa



Varrendo a ferruxe



A parte máis longa do traballo xa está feita



Pintando os ferros para que non se oxiden de novo


Os nosos heroes chegaron despois a Vilaxoán con óxido ata os ollos

Categoría: embarcacións

Tocoulle á buceta desta vez. Só que a súa historia éche ben distinta á das outras embarcacións. E o que a diferenza é a súa cor e o seu nome. Era preta, agora é branca...Chamábase Maruxa, agora Laranha.



¿Lembrades?


A buceta foi con moito a embarcación máis solicitada polas produtoras cinematográficas que se achegaron pola nosa terra para filmar series sobre aventuras mariñeiras. Houbo que maquillala para a ocasión. Naqueles tempos a cor máis habitual era a negra.

Agora volveu á realidade depois de tanta escea e tanta aventura. Agora temos un dilema: branca? negra?


Traballos de lixado este venres




Contraluz da buceta e dos seus desmaquilladores



Reaparece o pasado




Un detallista do traballo


A outra Maruxa , a Nova, tamén foi "desmaquillada" por outros currantes. Por favor, as cores da realidade non coinciden coas da imaxe.



Iñaqui e José Luis, á rasqueta