Categoría: actividades paralelas



Os días 6 e 7 de agosto (sábado e domingo), vaise celebrar no Cantiño a XX Festa do Mexilón que este ano organiza a escola xunto coa sección de música e baile da ACDDorna.

Xa sabedes que esta festa supón unha fonte de ingresos para nós nuns tempos de moita escaseza presupostaria. Por iso a escola convócavos a unha xuntanza para repartir os equipos de traballo que xa empezarán a funcionar esa semana da Festa.

A convocatoria é a seguinte:

Lugar........ Escola de Pao

Día.......... Luns, 1 de agosto

Hora......... 21h



Se podedes asistir, non faltedes: inda que haxa que traballar en agosto, pasarémolo ben.

Categoría: actividades


O Museo da Conserva na Portada da Revista.

Fresca fresquiña que esvara das mans está a revista DORNA. Acaba de nacer o seu número trece, entrando portanto en idade perigosa. Levoulle traballo nacer, pero saiu con bo peso e 32 páxinas cheas de información e creación variadas.

A continuación podedes ver o índice con todos os artigos:


Como a situación económica é a que é, e a crise anda a machacar sempre aos mesmos, pois resulta que agora mesmo non pode sair editada en papel, e tedes que conformarvos coa edición on-line (iso si, a toda cor!) en formato pdf. Se a Festa do Mexillón sae ben, e achega fondos á asociación, corremos con ela á imprenta.

Así que xa sabedes:

SE A REVISTA QUEREDES VER IMPRESA
COMEDE MEXILLÓNS NA FESTA!

Categoría: regatas


Esta foto dos campións roubámoslla a Dani Otero no feisbu.

Aínda que a Volta ao Mundo leve uns aniños quedando na Arousa, é importante celebrar que a Dorna de Prata tamén estea con nós.
Como podedes ver, as persoas da Escola que nos representaron en Ribeira xa fixeron máis dunha foto, pero todos e todas merecemos facer a propia, porque por algo a Dorna de Prata é um premio colectivo, non individual.
Así que, poñédevos ghuapos e ghuapas e, se queredes a vosa imaxe coa Dorna, achegádevos mañá de tarde polo Bao, pasando antes pola pelucaría. Apesar de vir sen escoras, a Dorna de Prata estará varada para quen a queira ver.

Cheghamos a ir sen rises collidos...

Ademais, poderedes aproveitar para escoitar aos regatistas contar as súas batalliñas sobre como foi desenvolvéndose a regata: como a maioría saíron con rises collidos, facendo as velas ben pequenas, como alghún perdeu a caña e tivo que botarse ao mar para recuperala e aínda deu quedado quinto, como...

Categoría: escola


Hoxe no Faro de Vigo na sección de Arousa ven a nova da chegada da Dorna de prata ata o Bao.

Ata alí foron algúns dos protagonistas da regata xunto con outr@s compoñentes da escola.



A foto é de Iñaqui Abella, do Faro de Vigo en Arousa. Ricardo e Salva en primeiro plano. A Carminha tamén quixo saír

Para o sábado 6 de agosto, será a entrega oficial do trofeo ó alcalde de Arousa, Manuel Vázquez , dentro da Festa do mexilón, que este ano organiza a escola xunto co grupo de música de ACDDorna.