Categoría: Encontros Carril2011

A FEDERACIÓN GALEGA pola CULTURA MARÍTIMA e FLUVIAL, ó través da súa páxina web, convoca a todol@s soci@s dos colectivos que o integran, e a calquera persoa interesada polo Patrimonio Marítimo, para asistir ao pleno do concello de Vilagarcía de Arousa o próximo luns 31 de outubro ás 17:00 horas para apoiar coa súa presenza o que cremos é de xustiza.



Eiquí vos vai a reprodución do texto da convocatoria da FGCMF:


O X Encontro e a débeda do Concello de Vilagarcía a Pleno. Convocatoria
O mestre | 29/10/2011



Durante a organización e celebración do Encontro en Carril houbo problemas co Concello de Vilagarcia, quen simplemente "desapareceu" do Comité Organizador desde o cambio de goberno propiciado polas últimas eleccións municipais.

Debido a que o Concello non fixo ningunha aportación directa ao Encontro, tívose que asumir o que en principio lle correspondía ao Concello e como consecuencia hai un desfase no orzamento de 21.000 euros aproximadamente.

Dende a realización do Encontro ata o día de hoxe non foi posible falar co equipo de goberno do Concello de Vilagarcía de Arousa, a pesares de solicitálo a FGCMF en numerosas ocasións e por diferentes vías. Por esta razón a Xunta Directiva da FGCMF non lle quedou outra solución que manter reunións cos grupos políticos da oposición do Concello de Vilagarcia para tratar este tema (en principio mostráronse favorables), e fíxose unha petición para que sexa tratado no próximo Pleno e que poida intervir un representante da FGCMF nese Pleno.

O xoves, soupemos que o tema non estaba incluído na Orden do día do Pleno do Concello de Vilagarcía do vindeiro luns 31 de outubro. Por esta razón, os grupos da oposición van pedir o mesmo luns no Pleno, que pola vía de urxencia se inclua na orden do día o asunto do X Encontro. Na solicitude que se presentou no Concello se pide que un representante da FGCMF interveña no Pleno para explicar a problemática.

A xunta directiva da FGCMF pide o voso apoio e solicita a vosa presenza o luns no Pleno que terá lugar na sede do Concello ás 17:00 horas. É importante que fagades chegar esta solicitude de apoio a todos os interesados en defender o patrimonio marítimo galego.

Para coordinar o tema propoñemos:
-Estar o luns 31 na entrada do Concello as 16:30 horas, alí repartiremos unhas camisetas que nos identificarán.
-Neste intre trátase de facernos ver, polo de agora non faremos ruído. Polo tanto no caso de que ao inicio do Pleno non se acepte tratar o tema nese Pleno retirarémonos en silencio.

É importante que se poida pechar correctamente o X Encontro, xa que se así non fose estaríase poñendo en perigo, como mínimo, a convocatoria do seguinte Encontro.

Categoría: embarcacións

Mañá, sábado 29 de outubro, ás 17 h, quedamos en Vilaxoán para traer ata a nave as últimas embarcacións que faltan: a planadora, o bote polbeiro e a Pintora. Irán en remolque por terra.

Coma sempre, vinde se podedes, pois a maior número de participantes, menos kilos de forsa por cabeza.



A sufrida planadora tamén ten dereito a descansar

Categoría: persoeiros

No blog da FGCMF ven a nova da dimisión de Pablo Carrera como director do Museo do Mar de Galicia, amais do recoñecemento por parte da Federación ó gran traballo realizado no tempo que estivo no cargo.

Sempre foi moi valorado na nosa escola polos seus coñecementos, polo seu compromiso coa cultura e patrimonio marítimo e porque aportou a tódolos eventos que se fixeron todo aquel material que o Museo podía dar.

Dende eiquí queremos manifestar o noso aprecio ó seu labor ó frente do MM.



Pablo presentando a exposición no aniversario da xeiteira, xunto con Víctor, presidente da FGCMF, no Museo do Mar

Na edición de Gran Vigo do Faro do 18 de outubro, ven así reflexada a noticia.


Esta é a versión de El Mundo.


E esta a da Voz de Galicia.

Categoría: embarcacións


Este ano a procesión de Santa Marina, a Nova, contou con menos devotos
que na pasada edición



Malia todo, entre as persoas que en Vilaxoán nos congregamos, fumos quen de subir a terra dúas das embarcacións máis grandes da Escola: a "Peza de Rabo" e a Xeiteira.

E, inda máis, nun alarde de enxeñería tradicional, non exento de perigo, unha vez na nave, baixámolas do carro e acomodámolas en cadanseu niño de inverno.



A Xeiteira esperando por Edu

Para levar a cabo estas dúas angueiras, amais de man de obra barata
( moi barata ), axudámonos de dous mecanismos moi lonxanos entre si no tempo:

Por unha banda, da rampla do mar ata nave, Edu aportou o seu 4X4 cun atractivo gancho para todo tipo de carros.



A "Nova Marina" entrando en "boxes"




E por outra, xa no interior da nave, para retirala do remolque, houbo que botar man do que de seguro é a máquina primixenia, a nai de tódalas máquinas que cabeza humana descorrera ao se ver nunha necesidade coma a nosa: a panca.



A falta de presuposto fai agudizar o enxeño: Pensa, Salva



Lino, o mestre-enxeñeiro, preparado para facer un esforzo



O carro por fin ceibe



E así fixémolo tamén coa "Peza de Rabo".
E alí estaban Salva e Lino e tamén Marro e Edu, e o Iñaqui e a Malena e o Iogui e tamén Calixto que chegou máis tarde; e pasaron por alí Lino Bandín e a súa dona que tamén axudaron, e para cando Héctor chegou, pechabamos o portal.

E os que alí estivemos, así volo contamos de xeito gráfico con este feixe de fotos que eiquí vos vai:



Unha vez na nave, espindo a "Santa"








Secuencia do lanzamento de empanetado



A continuación tocoulle o turno a dorna de tope.



Eí a traen




Temos que dicilo: a "Peza ..." negouse a colaborar




"Escorzo" do cabo na man




Subindo a "Peza de Rabo" ...





... houbo tempo para xogos populares





Outra vez o Edu en acción





Iogui dirixindo as manobras de entrada





Xa o dicía un tal Arquímedes:
"Dádeme un punto de apoio e móvovos un barco grande coma un mundo"
(o algo así)



Por fin temos tódalas embarcacións na nave para que pasen o duro inverno de reparacións, pintadas e arranxos.
Bo, todas non. Algunhas, moi poucas, buscaron outros agochos, e o xefe da manada, o noso "Rei do Mar", agarda a súa posta a punto no Cabodeiro. Para el contamos con mans expertas da escola e voluntari@s solidari@s dispostos a armar unha boa no galeón. Unha boa vela.






E xa sabedes ...


... algún problemiña coa embarcación?...


... non dubidedes: www.enxeñeiros-sen-fronteiras.acddorna