Categoría: embarcacións

Moito vento e pouca xente na xornada do sábado que convocamos para a recollida das embarcacións.



O vento era de "Forza R"



Salva, moi asisado, decidiu que levaramos remolcadas por terra tres dornas e xa as temos en Vilaxoán: a “Pepita”, a “Carme” e a “Mimela”.



A "Carme" no carro e sen rechistar



A "Pepita" e a "Mimela" tampouco se queixaron



Mais tamén por mar. Os Amigos da Dorna Meca demostráronnos que tamén son amigos da dorna Arousá e trouxerónnos dende O Grove, remolcadas por un bateeiro, catro dornas que alá quedaran o sábado da regata do Marisco: a”Javiota”, a “Laberca”, a “Roxiña” e a “Freixana”.


Así de colocadiñas nos deixaron as dornas os d´O Grove



E inda máis: campións do talle da “Rona”, a “Sra. María”, "Marijuana" e tódolos demais , axudáronnos a subilas da praia ata nave, polo que todo resultou moi rápido e lixeiro.


Cantos máis mellor



Tamén aproveitámo-lo tempo para colocar, recolocar e facer sitio na nave para o que queda por vir.


Ao abrigo máis outra vez



Inda nos quedan dornas por recoller e xa que o mércores 12, non sabemos por que, pero é festivo, quedamos emprazados no Bao para levar dornas en pachanga-migración ata Vilaxoán. Será pola tarde a iso das 16:00 horas.





A por elas e ...



E antes, o luns día 10, se a nortada o permite, iremos darlle umha boa man de pintura ao Rei do Mar. Quen teña a tarde dispoñíbel, xa sabe, roupa vella e mans dispostas!!