Categoría: Encontros Carril2011

Onte, xoves 29 de decembro, unha representación da FGCMF asistíu ó pleno do concello de Vilagarcía para volver lembrar ó alcalde a obriga de cumplir co pago da débeda que ten cos Encontros de Carril-2011.
No Faro recóllese de forma completa esta nova co titular Fole volve ignorar os encontros.

Como o pleno era de carácter extraordinario, non había punto de preguntas nin de intervencións para poder expoñer a nosa postura, inda que estivemos portando carteis nos que viña escrito " todos cumprimos co encontro menos o concello " e así indicar moi craramente que o concello de Vilagarcía é a única parte do comité organizador que non aportou o que estaba comprometido e que é responsable das consecuencias que este feito vai traer.



Imaxe de Salgado que ven no Diario de Arousa



Esta imaxe ven no Faro. Foto de Iñaqui Abella

A representación da FGCMF permaneceu no pleno unhas tres horas. Nun momento deste, cando se estaba a debater o presuposto e os voceiros da oposición falaron na rolda de intervencións, fixeron mención da nosa presencia e instaron ó alcalde a que cumprira co compromiso que tiña co encontro.

Na Voz de Galicia e no Diario de Arousa recollen de xeito moi breve a noticia.

A postura da FGCMF segue a ser firme e a de continuar tomando medidas para que se faga xustiza.

Categoría: Encontros Carril2011

Mañá, xoves 29 de decembro, vai ter lugar no concello de Vilagarcía o pleno sobre os orzamentos do 2012, a pesar de que a oposición pedía máis tempo para o seu estudo.

A directiva da FGCMF envía para este pleno un escrito no que se volve a solicitar ó goberno municipal a inclusión nestes orzamentos do que debe como parte do comité organizador dos Encontros de Carril-2011.

A estas alturas tod@s sabemos o que está a acontecer, só esperamos que este concello admita e asuma os seus compromisos.

Este é o escrito



Imaxe do primeiro pleno do concello de Vilagarcía en que se leu un escrito da FGCMF pola vía de urxencia, sobre a débeda do concello cos Encontros de Carril. Uns trinta membros da FGCMF acudiron vestindo camisetas da Federación. Foto de Lino Prieto


O pleno comeza ás 17h, e se podedes ir, levade as camisetas da federación da outra vez ou ben algunha que teñades dunha cor similar.

Categoría: Rei do Mar

Como xa anunciamos, ó Rei houbo que desviarlle o pao de popa. A causa de tal desviación son as velas: ó ser velas de relinga precísase unha inclinación determinada para a disposición da amura con respecto a vergha. E se queredes explicacións máis técnicas, non tedes máis que falar co veleiro ou con Salva e Lino.


Para facer esta delicada operación, o Rei do Mar estaba atracado no Cantiño.


Esta era a estampa dos paos antes




A desviación estaba xa determinada de antemán. Lino marcando a nova enfogonadura




Nestas estabamos cando apareceu un elemento indispensable: a grúa. Lino, foi quen nola proporcionou.



A grúa preparada para retira-lo pao do seu sitio


E comezou a "extracción"...









Unha vez que a enfogonadura quedou libre, comezaron a soar as máquinas.

Primeiro a motoserra...


Para sacar o máis ghordo


Despois o cepillo...


Reducindo as partes sobresaíntes


E por último a rebarbadora


Pulindo ben para deixalo bonito





Mentres estaban con estes traballos, chegou outro galeón de Arousa, o Comaira, que atracou abarloado a dous barcos bateeiros.




Cando a enfogonadura estivo lista volveuse a introduci-lo mastro:











Salva axudou na manobra:










Unha vez que o pao entrou e que se dispuxeron os cabos que o amarran, o Rei reemprendeu a viaxe de volta á outra banda do Xufre



Notades a diferenza na inclinación do pao de popa?





Nesta pequena viaxe puidemos admirar a fermosa fasquía do Rei navegando.










E na rampa ficou el atracado...


Javi axudando na manobra de atraque




Ó carón do muelle dos Carcamáns

Categoría: escola