Enviado: 07.03.2012 22:25
Esta tarde pódese dicir que comezou a conta atrás para a botadura do Rei do Mar. Hoxe armouse unha grande na rampa de atraque habitual no Cantiño.
Os previos de tal acontecemento hai que buscalos no Bao, onde Salva e Lino foron cargar as verghas e as varas para o Rei.
Mentres, o galeón permanecía á espera.
As drisas tamén estaban impacientes
Ademais dos nosos incombustibles patróns, á rampa chegaba puntual Ramoné, o noso veleiro.
A bordo do seu auto traía a que vai ser a vela do pao de proa. Esta vela fíxose sobre a que levou nos primeiros tempos a xeiteira, a Nova Marina. Nas imaxes vese o trapo novo que se lle engadíu, máis branco.
A vela foise desencartando pouco a pouco.
Ramoné comentou que as velas de relinga nos galeóns deixáronse de usar hai moito tempo, e que o feito de armar este tipo de vela no Rei do Mar era histórico.
Sempre leva a imaxe deste galeón navegando con vela ( velasa máis ben ) de relinga no porto do Berbés en Vigo
Empezaron as labores de enverghadura da vela.
Comezouse pola proa da vergha
Para enverghar utilizouse o sistema "culebrín", Ramoné dixit.
Por último chegamos á popa.
Lino amarrando ben
Pasamos ó arrastre da vela comezando pola amura
Agora veñen as drisas, que como veredes nada que ver co que tiñamos ata o de agora na escola.
E esta foto que ven a continuación corresponde ó amarre do estrinque.
Como xa estaba todo disposto para subir vela, procedeuse a aproar ó barco. Eiquí Lino, xuíz e gaiteiro, tivo un papel fundamental.
E, xa aproado, vela arriba.
Esta foi a primeira tentativa
Pero os que saben non quedaron conformes: a vergha non estaba ben inclinada.
Hai que baixala
Había que cambiar o punto de amarre das drisas na vergha.
Paco e Salva corrixindo
E, de novo, vela arriba.
Desta vez si que houbo aprobación. O arrastre, se cadra, un pouco alto.
Moita emoción e alegría
Detalle da vergha e da diferenza entre o trapo antigo e o engadido
E como di a cantiga, "...os mariñeiros d´Arousa arman vela e arman vela..."
Mañá, xoves, no mesmo lugar e a iso das 16:30, vaise armar a vela do pao de popa. Probablemente haxa navegación. Quedades convidad@s
