Categoría: Vilaxoán

Por fin comezaron os traballos de mantemento e reparación na nave de Vilaxoán. Este pasado venres houbo actividade por parte dun grupo de voluntari@s guiad@s por Uxío.


Hai algúns traballos de carpintería avanzados nalgunhas embarcacións.
Un exemplo é o Unicornio que xa foi recravado.



Vista da popa





Un costado: esa masa que vai por riba das puntas é de poliéster


No racú estase a colocar o estabán de aceiro.





E algunhas dorniñas que precisaban reparación están sendo atendidas.



É o caso da Chati



Para o traballo de grupo pasamos a preparar a xeiteira. Xa sabedes que precisa dunha boa reparación. Primeiro, axudándose das rasquetas, lixáronse a zona das puntas dos costados do barco para que se recraven noutro momento.



Calixto, Queca, Javi e Helena facéndolle cóxegas á Nova Marina




Despois había que baldear e limpar a cuberta.



Xa dispoñemos de auga que moi amablemente cedeu un veciño da nave






Ese elemento tan indispensable







Algo de xabrón para limpar de lodo




A Peza de Rabo tamén recibiu a súa ración de auga.




Patri, que anda a facer un deseño para a bodega do Rei do Mar, tamén estivo en Vilaxoán adiantándonos o seu proxecto e as súas ideas para o galeón. Como ten que presentalo ó carpinteiro e ó nosos dire, esperamos a que sexa aprobado para publicalo.