Categoría: escola


Como vedes, ainda que dispoñemos dun ring, nunca chegamos ás mans...

O próximo sábado 5 de Maio teremos unha importantísima xuntanza da Escola de Navegación Tradicional da ACD Dorna(repartimos beneficios, he he). Falaremos de todo canto queirades, ademais dos puntos marcados na orde do día.

DATA: 5 de Maio
LUGAR: Escola de Pau
HORA: 18.00 horas.
ORDE do DÍA: Programa de Actividades 2012
Inauguración de tempada, 17 de Maio
Informe sobre o avance de obras no Rei do Mar
Estado de contas
Proposta de financiamento da ENT

Como vedes, son puntos abondo importantes como para emprestarlle unha pisca de atención e facer propostas.

Se asistides podedes opinar, se non, teredes que achantar co que decidamos as persoas presentes e iso é moi moi moi perigoso. Cantas máis esteamos, mellor. E sempre podemos tomarlle algho despois...

NOTA: Avisade a quen só navegue no mar e non na internet.

Categoría: embarcacións

Máis unha vez de Luís Antõnio Vellez , ó través do seu FB, achegásenos este fermoso documento sobre a Canoa de Tolda, barco de transporte fluvial que percorre o río San Francisco en Brasil.
No documental dase conta das principais características tipolóxicas desta embarcación e da recuperación dunha delas, a "Luzitânia", polo IPHAN (Instituto do Patrimônio Histórico e Artístico Nacional)


Premede na imaxe para ve-lo vídeo

Categoría: Vilaxoán

Tarde de sábado en Vilaxoán. Un grupo de xente coincide a iso das 17h para facer un traballo de mantemento e recuperación de varias tipoloxías de embarcacións tradicionais do noso país. Son voluntari@s que adican parte do seu tempo en que a memoria do mar que gardan estes barcos siga viva. E fanno porque cren firmemente en que é un traballo de futuro.



Non están tod@s, están os que foron hoxe, pero somos moit@s máis.






Héctor pintando o Unicornio




Helena dándolle protector ó timón da Peça de Rabo




Javi dando patente á Peça






Juan co pao da xeiteira






Malena coa ghalla da Nova Marina






Manolo no Unicornio



Gran a gran, sábado a sábado ( e venres tamén ) faise posible o que semella un triunfo contra o esquecemento e o abandono.



Ó redor do Unicornio, Manolo, Uxío, Javi e Belén, na proa, Héctor

Categoría: Rei do Mar

Da última travesía que fixemos co Rei do Mar, Olga de Malpica sacou unha reportaxe fotográfica que se premedes na imaxe poderedes ver.


Desculpas por non citar a toda a tripulación , eiquí si van estar tod@s, incluída Verónica, unha moza de Xixón que tamén navegou con nós esa tarde.





Fermosa imaxe , Olga