Categoría: actividades




A predición de vento forte do nordés cumpriuse e a Festa do Deporte, que organiza o concello, desprazouse ata o peirao de Cabodeiro. A navegación en dorna non era posible e substituiuse por una pequena travesía a bordo do Rei do Mar.





Ata Cabodeiro navegou o galeón dende o punto de fondeo do Bao cun grupo de patróns da escola: Salva, Lino, Javi, Juan e Lino ( o noso xuíz de regatas ), que andiveron acomodando ós viaxeiros amais de tripular a embarcación.






Unha vez atracado na punta do peirao, a rapazada que alí agardaba houbo de esperar un tempo a que se solucionara un problema co motor de arranque do barco.




Agardando para embarcar, rapaces e maiores




Pouco despois comezou o embarque dos cativos ( e os seus pais ) na primeira das tres viaxes que fixo o Rei do Mar e que serviu, tanto para os nenos como para os adultos que os acompañaban, para saber e gozar dunha navegación nun galeón.



A marea estaba baixando e había que usa-las escaleiras








En total foron tres as saídas que se fixeron. Unha vez que rematou a actividade, o galeón voltou ó Bao.











Ía un pouco de frío, pero os rapaces disfrutaron igual





Eí vai o Rei do Mar na segunda viaxe





Boa travesía¡

Categoría: regatas

O vindeiro sábado, 1 de setembro, vai ter lugar a IV Regata da Calmoseira que organiza a asociación que lle da o nome e que este ano vaise celebrar na Arousa.

Tal como informan na páxina da FGCMF, será de mañá ( a partir das 12h ) e unha hora antes procederase á inscrición das dornas participantes.

O percorrido partirá do Xufre ata o faro do Xeixo e punta Cabalo, o mundialmente famoso Triángulo do Cantiño.

Nesta ligazón podedes ler as normas desta regata que inclúen, coma sempre, a obrigatoriedade de cumprir con tódalas medidas de seguridade, tanto das embarcacións como dos tripulantes.




O cartaz da regata

Categoría: actividades

O próximo xoves 30 de agosto o concello de Arousa organiza a Festa do deporte. Ese día, os máis cativos participarán de numerosas actividades deportivas, entre elas, unha curta navegación en dorna. É por iso que non haberá navegación nos barcos grandes.



O número de rapaces que acudiu o ano pasado foi bastante considerable, polo que as catro dornas que participaron non pararon en toda a tarde.



Lista de espera



Así que se podedes botar unha man, achegádevos ó Bao para axudar a celebrar este Día do deporte.




Salva cunha novísima tripulación na festa do ano pasado






Javi foi outro dos patróns que navegou na última edición

Categoría: actividades


A ver se facemos um par de adiantamentos coma este...

Vistos os resultados das votacións neste mesmo bló, os comentarios na praia da Canteira e os ruxe-ruxes nas tabernas. Comprobado o wendigurú e a meteoghalisia. Consultados os responsables da Volta Ciclista e da Festa da Ameixa Roxa, a decisión está tomada:

Sábado 25 de Agosto, as 11.30 vémonos no Bao para formar tripulacións e ir de travesía aonde o mar, o vento e as nosas preferencias maioritarias nos leven (non ía ser tan poético).

Lembrade que as embarcacións tradicionais non contan con servizo de restaurante, polo que é ben levar comida e bebida para dar e tomar.

Se alguén ten medo da chuvia, paraguas hai no mundo.

E dade aviso aos navegantes que non surfean polas internés!